LOTURA-CHILLIDA LEKU: BAZTERKETA ARRISKUAN DAUDEN KOLEKTIBOEKIN ARTE HEZKUNTZA LANTEGIAK

Chillida Leku museoak bultzatuta, arte lantegiak diseinatu eta garatzen dihardugu azken urteetan, Gipuzkoan bazterketa arriskuan dauden hainbat erakundek hartu dute parte, besteak beste: Emaus, Arrats Eguneko Zentroa, Osakidetza, Izan Fundazioa… Lantegietan argazkilaritzaren eskuzko teknikak baliatzen ditugu: ilusioa piztu, adierazkortasuna landu eta elkarrekin sortzeko. Sormena autoestimua aktibatzeko eta talde kohesioa lantzeko lanketa ezinbesteko tresna uste dugu. Zer gertatzen zaigun adierazteko zailtasunen edo gogo hezaren aurrean, sormena baliatzen dugu gure barruko argi ilunen aurrean aurrera egiteko.

GAZTE MIGRATUEKIN ERAKUSKETA PARTE HARTZAILEA DISEINATZEKO PROZESUA, TABAKALERAN

Artazkiak kooperatibak bideratzen duen “Harrotu ileak” Tabakalerako bitartekaritza-proiektuarek eskatuta, ERAKUSEKTA PARTEHARTZAILEA sortzeko lanketa diseinatu eta bideratu nuen, Donostialdera iritsi berri diren gazte kolektiboak parte hartu zuten. Kolektiboaren inguruan dauden aurreiritziak gizarteratzea eta elkar ezagutza sustatzea izan zen erakusketaren helburua. Erakusketan parte hartzaileek sortutako materiala antolatu eta erakutsi zen, besteak beste: nola den haien egunerokoa Donostialdean, nundik eta zein baldintzatatn iritsi diren Donostialdera, zein zen migratu aurretik zituzten bizi baldintzak, ikasketak, familia eta lagunartea…eko.

ONTZIEKIN ARGAZKI KAMERA ERAIKITZEKO TAILERRA

4-8 orduko lantegietan argazki kamerak eraikitzen dira berrerabilitako ontziak erabilita. Kamera hauekin gure ingurua jasotzen dugu argazkitan, tokian tokiko edukietara egokituz, tailerra garatzen den testuingurua kontuan hatuz eta bertarako egokia izan daitekeen proiektua planteatuz.

Teknika primitibo bezain siplea da argazkilaritza estenopeikoa eta argazkilaritzaren oinarrian modu praktikoan ulertzeko aukera eskaintzen du. Tailerrean lan egiteko moduak ere teknika analogiko honen inguruan sor daitezkeen ezustekoekin jolasteko aukera ematen du eta efektu harrigarriak sortzen dira batzutan. Modu espontaneoan eta dinamikoan egiten dugu lan, gerta daitezkeen gauzei ateak irekita utziz.

Orain arte burutu ditugun hainbat tailer:

San Telmo Museoa, Donostian, haur eta helduekin burutu genuen tailerra, denok batera.

Madrilgo Hastings School-eko ikasleekin tailerra burutu genuen, Sala de Maquinas-en, eta Madrilgo Aspa galerian erakusketa jarri genuen.

Oñatiko Argazkialdian tailerra burutu zen, argazki jaialdiaren egitarauan barrua helduekin.